Аз жаргал сэтгэл оюуны мөн чанартай.

Аз жаргал сэтгэл оюуны мөн чанартай. Аз жаргалыг сэтгэл оюун дээр л бүтээдэг. Дотоод сэтгэл оюунтайгаа ажиллаж, хөдөлмөрлсөнөөр л аз жаргалыг бүтээж чадна. Доржийг энэрэх сэтгэл, Доржид уурлах сэтгэл гэсэн хоёр өөр сэтгэл нэг хүнд хэзээ ч нэгэн зэрэг төрдөггүй. Энэрэхүй сэтгэлийг дотоод сэтгэлд төрүүлж, дадуулж болдог. Яг л бид нар уурлах сэтгэлийн эрхэнд орж өдөржингөө стресст автдаг шиг энэрэхүй сэтгэлийн эрхэнд орж өдөржингөө тайван амгалан байх хэмжээнд хүртэл энэрэхүй сэтгэлийг өөртөө дадуулж болдог. Уурлах орон зай үлдээлгүйгээр дотоод сэтгэлээ  энэрэхүй сэтгэлээр дүүргэж болдог. Хэрхэн яаж дадуулахыг Будда хэнээс ч дутуугүй сургасан. Өөрөө энэрэх сэтгэлгүй байж өрөөлд энэрэх сэтгэлийн тухай ярих нь тэнэг хэрэг ч хэн нэгэн энэ фостыг уншиж байгаа түүний сэтгэл оюунд сайнаар нөлөөлж магадгүй гэж горилоод Бурханы номноос мэдсэнээ бичлээ гэж...

Ум сайн амгалан болох болтугай!

Published with Blogger-droid v2.0.4

Сайхан сэтгэлийн хүч ээ гэж...

Сайхан сэтгэлтэй хүнтэй таархаараа би, энэ хүний ажил үйлс нь бүтээсэй, энэ хүнд нэг тус болчих юмсан гэж өөрийн эрхгүй л боддог. Та нар ч гэсэн тэгж боддог байх. Сайхан сэтгэлийн хүч ээ гэж...

Published with Blogger-droid v2.0.4

Намайг оруулаад ихэнх хүмүүс...

Намайг оруулаад ихэнх хүмүүс "би", "намайг", "минийх" гэх жижигхэн тойрогт амьдардаг болхоор бусдын зовлонг ойлгож, өрөвдөж хайрлах чадваргүй байдаг.

Published with Blogger-droid v2.0.4

Намайг оруулаад ихэнх хүмүүс...

Намайг оруулаад ихэнх хүмүүс "би", "намайг", "минийх" гэх жижигхэн тойрогт амьдардаг болхоор бусдын баяр жаргалаас хуваалцах чадваргүй байдаг.

Published with Blogger-droid v2.0.4

Зовохтун, зовохтун...

Сайн ч бай, муу ч бай хамаагүй хэн нэгнийг муу муухайгаар бодож эхлэх үед өөрөө өөрийгөө зовоож эхэлдэг. Зовохтун, зовохтун...

Published with Blogger-droid v2.0.4

Үхэл рүүгээ...

Чи хаашаа явж байна?

- Үхэл рүүгээ

Чи гутранга үзэлтэй хүн юм уу?!

- Үгүй чиш.

Тэгвэл чи жоохон юмтай юм шиг байна тийм үү?

- Магадгүй ээ. Харин чи хаашаа явж байгаагаа мэддэггүй юм байна... :)))

Published with Blogger-droid v2.0.4

Татаад бай! Уугаад бай!

Зулай гишгэж төрсөн дүү (бацаан) тамхи татдаг бололтой. Миний уушигны маш нимгэн цулцангууд болон миний эргэн тойрны хүмүүст миний татсан тамхины утаа маш их хортой юм байна гэдгийг ухааран ухаан дутаж байгаа бол ухаартлаа татаад байх хэрэгтэй. Архи, тамхи нь амь нас эрүүл мэндэд хортой юм байна гэдгийг ухаарах ухаан дутаж байгаа бол ухаартлаа уугаал, татаал байх хэрэгтэй. Залуу хүний чимэг гэж үзээд хамаг биенийхээ ясыг тараах шахам байж зовж төрүүлсэн эхийнхээ сэтгэлийг ч хайхрах хэрэггүй татаад байх хэрэгтэй. Миний амьдрал, миний юу хийх нь эд нарт хамаагүй гэж үзээд өөрийн чинь төлөө л гэж хэлж байгаа үгийг нь нэг чихээрээ оруулж нөгөө чихээрээ гаргаад залуу хүний чимэг болсон архи тамхиа хэрэглээд байх хэрэгтэй. Хожим элэгний цериоз, хатуурал, хорт хавдар, уушигны хорт хавдар тусаад өөртөө ч, бусдад ч ашиг тусгүй юм хийж байснаа ухаарах хүртлээ уугаал татаад байх хэрэгтэй. Ухаан тутаж байгаа бол ухаарах хүртлээ хэрэглээд бай. Өөрийн чинь төлөө ямар их хүн санаа тавьж, сайн сайхныг хүсэж байдгыг азаарах ч хэрэггүй. Юу сайхан дур сайхан, Татаад бай! Уугаад бай!

Published with Blogger-droid v2.0.4

Өөрийгөө жинхэнэ аз жаргалын эрэлчин гэж боддог бол...

Би нэг зүйлийг байнга хэлдэг. Үүнээсээ ч уйддаггүй. Дотоод оюун санааны хөгжил маш чухал. Хамгийн ихээр анхаарал хандуулж байх ёстой зүйлүүдийн нэг яах аргагүй мөн. Өөрийгөө жинхэнэ аз жаргалын эрэлчин гэж боддог бол аз жаргалыг хэрхэн бүтээдгийг мэдэх хэрэгтэй. Үүний тулд заавал шашин шүтэх албагүй. Өөрийн сэтгэл оюунаа судалж, ухаан санааныхаа жолоог өөр лүүгээ хандуулах хэрэгтэй. Будда ямар ч шашин номлолоос илүүтэйгээр аз жаргалд хүрэх аргыг заасан. Үүнийг би хаана ч хэлнэ. Угаасаа сургасан юм чинь. Энэ реклам биш шүү! Энэ баачка цаагуураа шашнаа рекламдаад байна гэж бодов оо! Статусынхаа төгсгөлд хэлэхэд та нар нэтээс Mipham гэдэг баачкагийн дуулсан About me ч билүү, What about me ч билүү нэг тиймэрхүү нэртэй дууны клипыг нь олж үзээрэй.

Published with Blogger-droid v2.0.4

Учрал бүхэн хагацал

Хавар болгон ургаж буй цэцэгс

Хагдарч харагдана.

Намар болгон нүцгэрч буй модод

Нахиалж үзэгдэнэ.

Учрал бүхэн хагацал болохыг

Ухаарсан нас минь дэндүү бага

Ай, ачит номын багшийн минь

Адистид гэлтэй.

Published with Blogger-droid v2.0.4

Сайн сайхан бүхэн дэлгэрэх болтугай!

Амьд амьтан бүхэн энэрэл хайр, асрал нигүүслэлийн сэтгэл лугаа төгөлдөр болох болтугай! Ган зудын гамшиг хэзээд бүү гараг. Гал усны гашуун зовлон нэрийн төдий ч үл оршиг. Үр тариа цагтаан боловсорч, өлсөж ундаасахын зовлон хэзээд үл гарах болтугай! Амьтан бүхэн сайн сайхан бүхний эх болсон саруул ухаан, нигүүлсэнгүй сэтгэл лугаа төгөлдөр болох болтугай! Гяндан шорон бүхэн гүмүда цэцгийн цэцэрлэг болох болтугай! Ан амьтан ч хүмүүн төрөлхтөнөөс айх аюулгүй амар жимэр орших болтугай! Хор хөнөөлт зэвсэг бүхэн хорхой хүргэм ааруул болох болтугай! Дайн самуун хэзээд үл гарч даяр олноороо амар жимэр амьдрах болтугай! Алт эрдэнэд шунагч бүхний сувдаг сэтгэл нь амирлах болтугай! Амьтан бүхний дотоод сэтгэлд уурын гал хэзээ ч бүү бадраг. Асрал энэрэлийн сэтгэлээр хэзээ ч үл хоосрог. Ширүүн шуурга, хуй салхиний аюул хэзээ ч үл гараг. Далай тэнгисийн ус тогтуун байж сэтгэлд зохистойгоор долгиолох болтугай! Нярайлж буй эмэгтэй бүхэн зовлон үгүйгээр төрөх болтугай! Хүүхэд хөгшид ч өвчингүй байж хөгжин цэнгэж жаргах болтугай! Хулгай дээрмийн аюул бүхэн амирлаад хотол олноороо амар жимэр амьдрах болтугай! Товчилбоос энэ буурал замбуулин энхжингийн орон мэт болох болтугай!

...огтхон ч худлаа залаагүй шүү!

Өнгөрсөн 2 сарын 15-аас 26-нийг хүртэл жагарын Тамил Наду мужийн нийслэл Чэннай хотоос холгүй орших Дамма Сэтү гэдэг Випашана бясалгалын төв дээр бясалгадаг баатар болж үндсэндээ 11 хоног аж төрлөө. Энэ нутгийн жагарууд манай тэндхийн жагаруудыг бодвол их найрсаг санагдсан. Зөрж өнгөрөх зарим жагарууд их л хүндэтгэсэн харцаар харж, алгаа хавсраал толгойгоо бөнжигнүүлнэ. Зарим нь "Бодидарма, Бодидарма" гэж дуудна. Бодидарма бол Тамил Наду нутгаас гаралтай буддын шашны лам хүн бөгөөд Хятадад буддын шашныг дэлгэрүүлж байсан их алдартай гар. Бараг гэгээрсэн нөхөр байсан байх. Үнэндээ би түүний намтрыг сайн мэдэхгүй болохоор ингэсхийгээд орхие. За тэгээд бясалгалын курст суухаар Япон, Орос, Канад, Израйл, Америк, Аргентин, Франц, Энэтхэг гээд есөн жорын хүмүүс /нийт 80 орчим хүн/ ирсэн байсан. Бүгд л өөр өөр шашин шүтлэг, ёс жаншилтай гарууд. 10 хоног өөр хоорондоо ерөөсөө ярихгүй байх ёстой. Дохио зангаагаар ч ярьж болохгүй. Дээр нь шинэков бол 5, хуучин энэ бясалгалаар бясалгаж байсан гар бол 8 сахил сахина. Эдгээр нь ерөнхийдөө бясалгах сайхан нөхцлийг бүрдүүлдэг. Бясалгалын курс дууссаны дараа оросын нэг Ивантай ярилцсан чинь мань нөхөр 90-д оны үед Токиогийн метронд террор хийж байсан Японы нэг шашны урсгалын гар байсан гэдэг байгаа. Террор болсноос хойш түүнийгээ орхисон гэсэн. Бас нэг Израйлын Якоб монголоор баяртай, сайхан амраарай, маргааш болтол баяртай гээл овоо хэдэн үг хэлж байсан. Бас нэг жагар нөхөр над дээр учиргүй алгаа хавсарч ирээл толгойгоо бөнжигнүүлж ойр зуур мар мар гэж байснаа европ эмнэлэг, дорнын уламжлалт анагаах ухаан хоёрын ялгааг ярьж, европ талыг баахан муулснаа та дорнын анагаах ухааныг заавал судлах хэрэгтэй шүү нтр гээл, бараг л Жангум шиг болоорой л гэх гээд байсан. Би ч гэсэн ерөөл бат орших болтугай гэж бодож нтр хаха... Ерөнхийдөө хүмүүс бясалгал дууссаны дараа бие биетэйгээ бясалгалын үр дүнгийн талаар ярилцан, нэг нэгэндээ сайн сайхныг ерөөн их л найрсаг байсан. Хоол унд, орон байрны хувьд бол өөлөх юм байгаагүй. Халуун ногоогүй, будаа, вандуй, үр, ногоо, жимс, дааль, бэн гээд жагар үндэсний цагаан хоол: ээжийн хэлдгээр бөөн витамин хаха. Амт нь ч дажгүй. Цаг агаарын хувьд далайн чийглэг бөгчим халуун агаартай байсан ч өрөөнд сэнс нтр байсан болохоор 11 хоногийг дажгүй өнгөрөөсөн. Бясалгалын үеэр нэг cанаа зовмоор эвгүй юм болсон: Нэг өдөр өглөө бага юм идсэн юм чинь гээд өдөр нь нэлээн сайн хусчихаад үдээс хойш нь бясалгадаг баатар болоод сууж байсан чинь гэдэс дүүрээд болдоггүй ээ гэж... байсхийгээд л нэг хий гаргачихаад бдаг. Тэгсэн нэг удаагийн гаралтандаа нэлээн дуу шуутай гардаг юм даа хахаха... Хойно сууж байсан жагар юу гэж бодсон бол: энэ нөхөр ч сайхан гаргаж байна даа гэж бодсон бх даа хаха... Ерөнхийдөө энэ бясалгал оюун санааны маш сайхан амралт болсон. Би энд маш сайхан гэж бичихдээ огтхон ч худлаа залаагүй юм шүү! Хэрвээ та нар энэ бясалгалд суух юм бол сайхан муухай мэдрэмжүүд хэрхэн бодол болж хэлбэржээд биднийг зовоож жаргаадгийг анзаарах болно. Улмаар асуудлыг хэрхэн шийдэх аргыг мэдэж авна. Маш энгийн, тэгсэн хэрнээ мэдэгдэхүйц үр дүнд хүргэх бясалгал. Ямар нэгэн далд энерги мэнерги, сүнслэг сэргэг ухамсар мухамсар, цэвэр ариун, тэнгэрлэг мэнгэрлэг, бурханлаг мурханлаг гэж тэнэгтэхгүй. Тэнэг тэнэг догматик зүйл ерөөсөө байхгүй. Зүгээр л цэвэр оюун санааны ажиглал шинжлэл. Үр дүн үнэхээр мэдэгдэнэ. Амьдралд үнэхээр хэрэгтэй. Би энд үнэхээр гэж хоёр удаа бичихдээ бас худлаа залаагүй юм шүү! May you all be happy! Be peacefull! Be harmony! Real happiness, real love... May you all be happy! Be peacefull!

Эртээ урьдын цагт...

Эртээ урьдын цагт нэгэн хүй нэгдлийн баачка бүхнийг бүтээгч бурхныг бүтээжээ... Хойч үеийнхэн нь тэр бурхны номлолыг бүтээжээ. Хүй нэгдлийн үеийн баачка нар аа гэж...

Published with Blogger-droid v2.0.4

Ум Ма Ни БадМэ Хум

Энэ жилийн цагаан сараар олон айлын ширээг тарган ууцаараа чимсэн хонь бүхэн хойт төрөлдөө сайн заяанд төрөх болтугай гэж залибаръя... Ум Ма Ни БадМэ Хум...

Published with Blogger-droid v2.0.4

Ямартай ч тэр бол баатар

Өдөр бүр өөрийн дотоод сэтгэлээ сөрөг муу оюун санаанаас хамгаалж чадаж байвал тэр хүн христ байна уу, буддист байна уу, хужаагийн эрлийз байна уу, оросын эрлийз байна уу хамаа алга. Хэн байх нь чухал биш. Ямартай ч тэр бол баатар.

Published with Blogger-droid v2.0.4

Өдөр бүр нэгэн хэвийн гамбир идсээр...

Хүний оюун ухаан гэж яг ямар мөн чанартай зүйл болох, орчлон хорвоогийн үүсэл, бурхан байдаг эсэх, зовлон зүдгүүр, аз жаргал, үхэл, хүн төрөхөд ухамсар нь хаанаас ирдэг болох гээд өчнөөн асуултууд байдаг. Ихэнх хүмүүс мөнгө л сонирхохоос биш энэ талаар огтхон ч сонирхдоггүй. Гэтэл эдгээр асуултын хариуг олохгүй бол бидний сэтгэл оюунд дорвитой өөрчлөлт гарахгүй. Өөрийн гэсэн ертөнцийг үзэх үзэл төлөвшихгүй. Нэг мэдрэмжнээс нөгөө мэдрэмжийн хооронд амьдрал янз янзаар өрнөж байна гэж хууртсаар.., нэг л хэвд оруулан хайрсан гамбир өдөр бүр идэж байгаагаа үл анзааран өдөр хоногийг өнгөрөөж насыг барна. Өөрийн гэсэн ертөнцийг үзэх үзэлгүй бол оюун санааны хувьд бусдын утсан хүүхэлтэй л байна...

Published with Blogger-droid v2.0.4