Tuesday, July 31, 2012

Хэтрүүлбэл...

Хэт их зарчимч байх нь нэгэн төрлийн зовлонг мэдрүүлдэг. Хэт их үлбэгэр байх нь нэгэн төрлийн уйтгарыг мэдрүүлдэг. Хэт их хичээл шантрахын шалтгаанд одох нь ч буй. Хэтрүүлбэл зовлонд урвахын ёсыг мэдээд хэмжээндээн тааруулж сураарай гэж...

Published with Blogger-droid v2.0.6

Friday, July 27, 2012

...өөрийн оюун ухаанаар...

Буддизмыг ойлгохын тулд Буддатай мэтгэлцэх хэрэгтэй. Та ямар учраас юмс бүхэн шүтэн барилдаж гарсан гэж номлосон юм? Таны номлосон үйлийн үр гэж яг ямар юм байдаг юм? Зовлонгийн үнэн гэж Та чухам юуг хэлсэн юм бэ? г.мэтээр... Мэдээж Будда өөрийн биеэр энэ асуултуудад хариулахгүй. Түүний айлдсан сургаал номлол энэ бүхэнд хариулна. Хэн нэгэн нь Буддизмыг тодорхойлж ямар нэгэн үг хэлсэн байж болох юм. Гэвч тэр үг тэр хүний л Буддизмын тухай хэлсэн үг болохоос биш таны Буддизмын тухай ойлголтыг тодорхойлох үг биш. Та бусдын оюун ухаанаар бус өөрийн оюун ухаанаар Буддизмыг таних хэрэгтэй. Нэгэнт таньсан бол Буддагийн сургаалыг дагах эсэх нь таны эрх юм. Буддизмыг сонирхогч хүн бүхэнд зориулж бичив ээ гэж...

Published with Blogger-droid v2.0.6

Sunday, July 8, 2012

Угаасаа байхгүй юм чинь...

Гүрэм засал, мэргэ төлөг, зурхай зурлага, хурал уншлага. Энэ бүхэн Буддизмыг огтхон ч тодорхойлж чадахгүй. Үнэндээ энэ бүхэнд Буддизмыг тодорхойлох ямар ч чадамж байхгүй. Угаасаа байхгүй
юм чинь байхгүй гэхээс өөр юу гэхэв дээ.

Published with Blogger-droid v2.0.6

Thursday, July 5, 2012

Өнөөдөр Далай Багшийн төрсөн өдөр

Өнөөдөр Далай Багшийн төрсөн өдөр. Үргэлж мишээж байдаг дүрийг нь харах төдийд л, ухаарал хайрласан сургаалыг нь сонсох төдийд л бишрэх сэтгэл өөрийн эрхгүй төрж, дотоод сэтгэл нэг л тайван болдогсон... Багш маань урт удаан наслах болтугай хэмээн ерөөл тавин залбиръя даа :)

Published with Blogger-droid v2.0.6

Wednesday, July 4, 2012

Тэнэгтээд л...

Зөвхөн өнгө, хэлбэр хоёрыг л ялгаж чаддаг махан нүдээр хүний биеийн хэлбэр дүрсийг харахаас биш дотоод сэтгэлийг нь харж чадахгүй. Бид нар бусдыг дандаа л гадна талаас нь дүгнэдэг муу дадалтай байдаг. Үүнээсээ болоод сэтгэлээрээ зовоод байгаагаа анзаарах ч сөхөөгүй бусдыг хайр найргүй дүгнээд л... Тэр дүгнэлтэндээ үнэн голоосоо итгээд л... Тэгээл зовоод л... Өөрөө өөрийгөө зовоогоод байгаагаа мэдэхгүй "Та нар намайг зовоолоо" гэж тэнэгтээд л... Сэтгэл оюунд байгаа ганц буруу бодлоос салахад л нилээдгүй хэдэн зовлонгоос ангижирч чадна.